Wika natin Mahalin natin

Wika natin, mahalin natin

Wika ang ating gamit sa anong laban,
at kahit sa pagtamo ng kalayaan.
Pagsusunog ng kilay ito'y kailangan,
kung mamahalin at pahahalagahan.

Alibata'y ang unang nating letra,
mula noong unang pinagyamang wika.
Minahal, ginamit bawat alibata,
pinagyaman sariling alibata.

Ngunit alibata tuluyang nawala,
ABAKADA tila nilimot ng iba.
Sariling wika naglaho parang bula,
dahil sa paggamit ng wikang banyaga.

Wika nati'y labis na mahalaga,
kahit saan man panig ka man pumunta.
Dapat linangin ay ang sariling wika,
pwede pa matuto ng wikang banyaga.

Ating mahalin ay ang sariling wika,
katulad ng aruga ng ama't ina.
Kahit ano man ang gamiting mong wika,
wika mo ay mahalin dahil pinoy ka.